Ohitura osasuntsuak sustatzeko eta bai osasun fisikoa eta bai osasun emozionala lantzeko helburuarekin, Hegoalde ikastolako IGE-k, ikastetxearekin batera, hezkuntza komunitatearen eskura jarri nahi duen proiektu bat osatu zuen iaz. CEAPA-k antolatzen duen esperientzia hezitzaileen XV. lehiaketan 2. saria jaso zuen proiektu honek eta denekin elkarbanatu nahiko lukete bere erabilera eta zabalkundea bultzatzeko.
Lan hau proiektu zabalago (”Osasuntsu hezi, osasuntsu bizi”) baten parte da. Bertan ohitura osasuntsuak bultzatzeko jarduera desberdinak lantzen dira eta urte bukaeran etxeetan zein eskolan, proposatutako gai desberdinez aritzeko egutegi bat sortzen dute.
2015eko egutegia sentimenduei buruzkoa zen. Honez gain hilero etxeetara sentimendu bati buruzko fitxa bat helarazi zen. Fitxa horretan sentimenduei eta hauek umeengan sorrarazten dituzten egoera animikoei buruz lasaitasunez hitz egiteko baliabideak eskaintzen ziren.
Fitxa bakoitzean kanta baten letra, arte-lan bat, liburuak edo ipuinak eta youtube edo vimeorako lotura zuzena duten baliabide audiobisualak aurki daitezke.
Laburmetrai baten sentimendu bat baino gehiago ager daitezke baina bilatzen zutenari gehien hurbiltzen zena aukeratu zutuen. Haien ustez komenigarria da umeak irakasleen edo gurasoen konpainian ikustea bideoak. Horrela, bere zalantzak argitu eta irizpide eta ondorio desberdinak plazaratu ditzakete, debateari eta balorazioari bide emanez.
Hurrengo loturan fitxa guztiekin egindako aurkezpen bat aurki dezakezue zuen ikastetxeko beharretara egokitu ahal izateko moduan.
http://hegoalde.blogspot.com.es/p/sentimenduak.html