Izarbeibarko Mankomunitateak, bere ingurumen hezkuntza politika barruan, “Bizitza erein eskolan” proiektua Larraga, Mendigorria, Artaxoa, Berbintzana, Miranda Arga, Gares eta Obanoseko 9 eskola eta 4 haur eskoletan garatu du.
Mankomunitateko teknikoa den Óscar Rubiok, komunitatea guztia inplikatzeko beharra azpimarratzen du:
aitona-amon, guraso… baratza gustatzen zaien guztiak, txikiekin lantzea gustatzen zaienak. Horregatik bizitza erein eskolan esaten dugu, gai hauetarako komunikazioa eta iritzi trukaketa egon behar delako.
Eskoletan baratza eta lorategiak sortzea du helburu ekimen honek, eta horretarako, Mankomunitateak beharrezko tresna eta materialez hornitzen ditu eskolei. Gainera, guraso eta aitona-amonen elkarlan boluntarioa izan dute baratza eta lorategiak zaintzeko jasangarritasun irizpidearekin.
2016/04/29an Diario de Navarran argitaratutako berria irakurtzeko egin klik hemen, La voz de Merindaden 2016/04/20an argitaratutako berria irakurtzeko hemen eta Ahora Zona Mediak argitaratutakoa hemen.