Baztaneko ikastetxe ezberdinen 250 bat ikaslek Baztaneko Udaleko zerbitzuek antolatutako Berdintasun Jardunaldietan parte hartu dute, Elizondoko Liburutegi Publikoan. Emakumeen aurkako Indarkeria desagerrarazteko Nazioarteko Egunaren markoan burutu da ekitaldi hau, eta Baztango emakumeen eta gizonen arteko I. Berdintasun Planaren “Berdintasuna eta gaztaroa” atala betetzeko nahian.
Jardunaldietan, Lehen Hezkuntzako ikasleei zuzendutako erakusketa didaktikodun tailerrak garatu dira, haur eta gazte literatura abiapuntutzat izanik, eta berdintasuna ikuspuntu ezberdinetatik landuz.
Saio hauetan, sexu eta genero estereotipoak gainditzeko aukerak eskaini zaizkie bertaratuei, lanbide guztiak pertsona guztientzat izan daitezkeela haurrei erakutsiz, amodio erromantikoaren ideia erlatibizatuz, eta rolen banaketa askoz ere konplexuagoa izan daitekeela. Aldi berean, genero rol ezberdinekin jolastu zen. Zentzu honetan, haur literatura, genero ikuspegia eta artea batzen duen erakusketa bat instalatu egin zen, eszenografia oso bat sortuz, musika, ikus-entzunezkoak, ilustrazioak, jokoak, artisau-lanak eta joskintza lotzen dituenak, berdintasunezko irudiak eta sexismorik gabeko egoerak sortzeko.
Erakusketa, 50 metro karratukoa, banatutako 6 guneetan ondoko gaiak lantzen ditu:
1. Gunea: gorputzak birpentsatzen, identitateen jolasa.
2. Gunea: Genero rolekin jarraituz, lanbideetan pentsatzen.
3. Gunea: Etxeko lanak, zaintza lanak…
4. Gunea: Emozioen heziketa hezkidetza ikuspegitik
5. Gunea: Bestelako harremanak eraikiz, elkartasun harremanetatik maitasun erromantikoaren mitoarekin hautsiz.
6. Gunea: IRLAra iristea
Egin klik hemen 2015/12/2an Diario de Noticiasen argitaratutako berria irakurtzen eta hemen Baztaneko udalaren Berdintasun zerbitzuak antolatutako tailerraren laburpena irakurtzeko