Nafarroako Parlamentuko Osoko bilkuren aretoan ospatu zen ekitaldi instituzional bat, Nazio Batuen Osoko Bilkurak 1989ko azaroaren 20an onetsitako Haurren Eskubideen Konbentzioaren 26. urteurrena zela eta. Ekitaldia, Unicef Nafarroak antolatu zuen eta Nafarroako parlamentarien aurrean Nafarroako Haurtzaroarentzako Aliantzak idatzitako kontratu formako testu bat aurkeztu zen.
Sei dimentsioen inguruan egituratuta dago testua (neurri orokorrak, hezkuntza eskubideak, familia eskubideak eta komunitateari babesa, osasuna eta seguritatea eskubideak, eskubideen arau-hausteei arreta eta adin-gabetuen parte-hartze eskubidea) eta legebiltzarraren talde politiko guztien babesa jaso nahi duen Haurtzaroaren Foru Lege berriaren iturri izatea du xede.
Hegoalde ikastolako eta Teresianas eta Santísimo Sacramentoko eskoletako bederatzi haurrek egin zuten hitzaldiarekin bukatu zen goiza. Beren eskaera, 2015ean egin zen Nafarroako Haurtzaroarentzako Aliantzaren proposamenaren babes instituzionalaren deklarazioa osorik betetzea izan zen.
Ekitaldian, Ainhoa Aznárez, Parlamentuko Lehendakaria, bertaratu zen hala nola ondoko parlamentariak: Javier Esparza (UPN), Koldo Martínez (Geroa Bai), Maiora Ramírez, Dabid Anaut (EH Bildu), Laura Pérez, Tere Sáez (Podemos) eta Ainhoa Unzu (PSN). Nafarroako Arartekoa, Javier Enériz, Eskubide Sozialetako kontseilaria, Miguel Laparra eta Nafarroako Eskola Kontseiluko Lehendakaria, Aitor Etxarte.
Aurretik, hedabideekin gosari bat burutu zen, bertan, haurren arazoak tratatu ziren eta 47 bat gizarte erakundeek parte hartu duten Nafarroako Haurrentzako Aliantzaren zirriborroa aurkeztu zen.
Hemen klik egin “Gobernuak aldatzen dira baina gure eskubideak ez” dokumentua, gaztelaniaz, irakurtzeko.
Egin klik hemen 2015/11/20an Diario de Noticiasen agertutako berria irakurtzeko.