Hezkuntza Departamentuak “Eskolako Bertsolaritza” programa berreskuratu du bi urte etenda izan ondoren. 40 ikastetxetako 5. eta 6. mailako mila ikasle baino gehiagok hartuko dute parte urriaren 26tik abenduaren 22ra arte.
Ahozkotasuna indartzeko eta bertsoa sustatzeko balio du programa hau. Programaren helburua komunikatzeko gaitasunak areagotzea da, mintzamena bereziki, hizkuntzaren bat-bateko erabilerak sartuz.
Bertsoak ikaslearen norberaren konfiantza eta segurtasun sustatzen ditu, hari ikusaraziz bere komunikazioa hobetu daitekeela eta hitz-jarioa indartu. Programak bertsoaren ezaugarriak landuko ditu: teknika, erritmoa, metrika eta errima. Gainera, bertsoaren ahozko tradizioa euskal literaturan nolakoa izan den ezagutaraziko da.
Programa hamar saiotan antolatu da, astean behin, eta haietako bat bertsoen bat-batekotasunaz ariko da ikasitako doinuak praktikan jartzeko.
Zenbait alderdi landuko dira hizkuntz jolasekin, bertso tradizionalak ikasiko dira, bertsoaren historia eta historiako bertsolariak ezagutuko, bertsoaren forma berritzaileak, irrati-saioak, emanaldi-mota askotarikoak eta ahozko bertsoak nahiz bertso idatziak. Ikasle bakoitzak gida didaktiko bat eta koaderno bat jasoko ditu ikasturterako. Proposamen didaktiko horren barnean, euskararen euskalkietan egindako bertsoak sartzen dira. Saioak ematen dituen bertsolariarekin batera, taldeko irakasleak ere izango dira. Irakasle horiek bertsolariarekin koordinatuko dira, eta azken horrek bertsolaritza irakasteko metodoen berri emango die; horrekin batera, gai zehatz batzuei buruzko aholkularitza teknikoa emango die bertsolaritzako saio edo lehiaketak egiteko.
Bilduma bat argitaratuko da parte hartutako talde guztien bertso onenekin.
Programa Nafarroako Bertsozale Elkarteko bertsolarien elkartearekin egingo da, 2015-2016 ikasturteko lehen hiruhileko honetarako, 20.000 euroko laguntza teknikoko kontratu bat sinatuz.
Hegin klik hemen Diario de Navarrako berria irakurtzeko eta hemen Beriaren berria irakurtzeko.
Diario de Navarran argitaratua 2015/10/27an eta Berrian 2015/10/28an argitaratua.