Nafarroako Eskola Kontseiluak neurohezkuntzaren gaia jorratzen duen IDEA aldizkariaren 58. zenbakia argitaratu du.
España 2050: Fundamentos y propuestas para una Estrategia Nacional de Largo Plazo dokumentuak, Gobernuaren Prospektibaren eta Estrategiaren Bulego Nazionalak koordinatutakoak, Espainiak, eta horrenbestez Foru Komunitateak, hurrengo hogeita hamar urteetan izanen dituen erronka nagusiak identifikatu ditu. Ikasturtea errepikatzea, baita ikasketak uztea ere, hezkuntzaren konpondu gabeko arazo handienen artean aipatzen da, eta heldu beharreko helburu gisa. Hemendik 2050era, litekeena da gure herrialdean 3,4 milioi ikaslek ikasturtea errepikatzea eta 2 milioi inguruk ikasketak goizegi uztea. Azken horiek, horren ondorioz, baliteke kasu gehienetan lan bizitza ezegonkorra izatea eta askoz ere aukera gehiago, pobrezia eta gizarte-bazterketa jasateko.
DEA aldizkariaren komunikazioetako asko 2024ko otsailarean egindako Nafarroako Eskola Kontseiluaren XXX. Jardunaldietan («errepikatzea eta hezkuntza uztea. Gogoetak eta proposamenak») aurkeztu ziren.
Ale hau ikastetxeetarako eta hezkuntzaren alorrean interesa duten pertsona
eta erakundeetarako prestatu da, formatu digital nabigagarrian.
Eskerrak eman nahi dizkiegu argitalpen hau ahalbidetu duten pertsona eta talde guztiei, eta hezkuntzari buruzko beren ezagupenak eta proiektuak partekatu dituztenei.
Hemen ikus dezakezu aldizkaria.
Sarrera hau ere eskuragarri dago hemen: Espainiera