Pablo Picassoren heriotzaren berrogeita hamargarren urteurrena dela-eta, Espainiako eta Frantziako gobernuek erabaki dute elkarrekin lan egitea nazioarteko programa batean. Programa horrek, “Picasso 1973-2023 ospakizuna” lelopean, askotariko jarduerak biltzen ditu, helburu dutenak margolariaren lanean eta ondare artistikoan sakontzea, hainbat esparrutatik.
Hezkuntzako eta Lanbide Heziketako Ministerioak bat egin du ospakizun horrekin. Askotariko ekimenak bultzatu dira; besteak beste, hezkuntza-edukia duen webgune bat, honako hauek jasotzen dituena (gaztelaniaz):
- Hezkuntza-baliabideak:
- Proposamen didaktikoak: helburu dute Pablo Picassoren bizitzaren eta arte-ibilbidearen hainbat alderditan sakontzea, hezkuntza-etapa desberdinetan, eta horretarako bost gida didaktiko sortu dira, arteen didaktikako espezialistek eginak eta moduluka antolatuak. Gida horietan, irakasleek eskura dituzte zeharkako eta diziplina anitzeko edukiak eta jarduerak, beren eskoletan erabiltzeko.
- Beste baliabide batzuk: atal honetan, zenbait iturritako baliabideak bildu dira, eta aukera ematen dute Picassorekin eta haren lanarekin zerikusia duten alderdiak ikasgelan lantzeko, hainbat hezkuntza-testuingurutan.
- Picasso ikastetxeetan: Picassoren Urtea izenekoan, atal honetan, ikusgai jarriko dira Espainiako ikastetxeetan garatutako esperientziak, artista malagarraren bizitza eta arte-ibilbidea oroitzeko egindakoak.
- Gaurkotasuna: atal hau pixkanaka eguneratuko da, eta Picassorekin zerikusia duten albisteak jasoko dira, baita hezkuntza-komunitatearentzat interesekoak diren erakusketei eta beste kultura-jarduera batzuei buruzko informazioa ere.
Sarrera hau ere eskuragarri dago hemen: Espainiera