Maiatzean, arrazismoaren kontrako raparen proiektuaren berri eman genuen, zeina abian jarri baitzen Nafarroako hainbat institutu publikotan. Oraingoan, Spotifyko abestien zerrendaren berri eman nahi dugu. Lehen eskuko testigantzak entzun eta gero, immigrazioari, arrazakeriari, enpatiari eta errespetuari buruzko eztabaida saio batzuk egin ziren, eta abestiak saio horien ondoren grabatu ziren.
Martzilla, Cintruénigo, Atarrabia, Iruña, Agoitz, Zarrakaztelu, Doneztebe, Castejón, Uharte, Corella, Tutera eta Lizarrako institutuek parte hartu zuten pasa den ikasturtean Migrazio Politiketako Departamentuak sustatutako tailer horretan. Harrera ona izan zuenez, ikasturte honetan beste edizio bat eginen da urritik aurrera.
Arrazismoaren kontrako raparen tailerrak lau ordu hartzen ditu, bi bloketan banatuta: lehen blokea da testigantzak entzun eta eztabaidatzeko, eta bigarrena parte-hartzaile bakoitzak paragrafoak idazteko eta, ondoren, ikasgela osoaren artean abestia grabatzeko.
Irakur ezazu hemen Diario de Navarra egunkarian 2023/09/19an argitaratutako albistea.
Sarrera hau egin daiteke: Espainiera