Iruñeko Paderborn-Lezkairu ikastetxe publikoak ikasturte honetan zabaldu ditu eraikin berriaren ateak. María Chivite Nafarroako lehendakariak bisitatu du, eta harekin batera joan dira Carlos Gimeno Hezkuntzako kontseilaria, Manuel Martín Eskola Kontseiluko burua eta Hezkuntza Departamentuko beste ordezkari batzuk, baita Carlos Salvador lehen alkateorde eta Hezkuntza, Berdintasun eta Aniztasuneko zinegotzi ordezkaria ere, Iruñeko Udalaren ordezkari gisa.
Ikastetxearen ezaugarriak direla-eta, erreferentzia zentroa da, ez bakarrik Nafarroan, baita gure Komunitatetik kanpo ere. Honako ezaugarri hauek ditu: espazioak protagonismoa hartzen du, eta, horri esker, LOMLOEk ezartzen dituen premiak betetzen ditu; askotariko gaitasunak dituzten ikasleen integrazioa errazten du; eta bat egiten du ingurumeneko jasangarritasunaren printzipioekin, ia-ia ez baitu energia kontsumorik.
Gainera, hizkuntzen irakaskuntzaren arloan, Nafarroako haur eta lehen hezkuntzako ikastetxe bakarra da, G-AIP eredua ematen duena gaztelaniaz eta alemanez, eta, gainera, D eredua euskaraz. Entzumen desgaitasuna duten Nafarroako ikasleen lehentasunezko ikastetxea ere bada.
Hemenirakur dezakezu Nafarroako Gobernuaren webgunean 2023/09/05ean argitaratutako albistea.
Sarrera hau egin daiteke: Espainiera