Herritarrekiko Harremanetako Departamentuak, Euskarabidearen bidez, Sarean Euskaraz programaren VI. edizioa abiarazi du. Programa DBHko 4. mailako eta Batxilergoko 1. mailako ikasleei zuzenduta dago. Helburua da, batetik, euskararen erabilera ezagutaraztea eta sustatzea informazioaren eta komunikazioaren teknologien esparruan, eta, bestetik, kultura digitala sustatzea euskaraz, bereziki gazteen artean.
Urriaren 13an eta 14an jardunaldi batzuk antolatu dira Baluarten. Horietan, hiru espazio desberdin prestatuko dira, hitzaldi labur eta dinamikoak emateko sarearen erabilera seguruei eta 3.0 harremanetan pribatutasunak duen garrantziari buruz. Halaber, 8 tailer esperimental izanen dira: musika sorkuntza, bideo-mappinga, Android mugikorretarako aplikazioen sorkuntza, errealitate birtuala – Arduino, 3D inprimagailuak, smartphonearen bidezko argazkiak, edo joko-tailer bat. Hori guztia Iruñeko eta Iruñerriko ikastetxeei zuzenduko zaie.
Tailer horiek gainerako ikastetxeei ere eskainiko zaizkie Altsasun, Beran, Donezteben, Leitzan eta Tafallan. Era berean, programa akademikoaren osagarri gisa, irailaren 30etik azaroaren 9ra, doako 19 ikastaro antolatu dira publiko osoarentzat, bereziki gazteentzat, herri hauetan: Altsasu, Antsoain, Arbizu, Artika, Barañain, Bidaurreta, Burlata, Etxalar, Lizarra, Tafalla, Goizueta, Uharte, Otsagabia, Iruña, Gares, Zangoza, Tutera, Urrotz-Hiria, eta Atarrabia.
Hemen irakur dezakezu Nafarroako Gobernuaren webgunean argitaratutako albistea.
Sarrera hau egin daiteke: Espainiera