Orain dela bi urtetik hona, Lisboako, Oloroe-Donamariako (Frantzia), Vienako eta Iruñeko bost ikastetxek parte hartzen dute Erasmus+ TOTEM proiektuan. Europako memoria ibilbideak sortuz, herritar nortasuna eraiki eta betikotu nahi da, balio hezigarri, sozial eta demokratikoetatik abiatuta. Ikasleak sentsibilizatu nahi dira bizi garen eskualdeak markatu dituzten gertaera tragikoei buruz: gerrak, errepresioa, deuseztatze esparruak.
Iruñean, Nafarroako Memoriaren Institutuaren laguntzarekin, Navarro Villoslada BHIk Oloroeko Lycée Jules Supervielle eta Collège Tristan Derêmeko ikasleak hartu ditu aste honetan, bai eta Lisboako CED Nª Srª Conceição-Casa Piako ikasleak ere.
Nafarroako iragan traumatikoaren alderdi garrantzitsuak ezagutzen eta lantzen aritu dira. Alde Zaharreko kaleetan barrena ibili dira, eta Iruñean 1936ko kolpe militarraren ondoren erail zituztenak gogorarazi dituzte, horien omenez lurrean jarri diren plaka txikiak bisitatuz. Halaber, Nafarroako Memoria Guneak sareko zenbait puntu bisitatu dituzte (www.espaciosdememoria.com/eu), hala nola Erratzuko bunkerrak eta soldaduen eta presoen barrakoiak; bai eta Nafarroako Memoria Historikoaren Tokiak ere, hala nola Gazteluko Legarrako leizea –non Goñi Sagardia familiaren aurkako krimena egin zen–, Elizondoko Babesaren Muga eskultura –Nafarroatik erbestera joan zirenen memorian egina– edo Ezkabako gotorlekua eta GR-225.
Hemen ikus dezakezu Nafarroako Gobernuaren buletinean argitaratutako albistea.
Sarrera hau egin daiteke: Espainiera