Eslabako hiri erromatarra berpiztuko da, Europako beste lau aztarnategi arkeologikorekin batera, ondarea eta pedagogia uztartzen dituen proiektu baten eskutik. Bideo-joko bat da, eta erromatarren epigrafia (inskripzioak) eta horren garrantzia zabaltzea du helburu.
Ekimen hori Europa Sortzaileak finantzatzen du, eta Nafarroako Unibertsitateko Filosofia eta Letren Fakultateak zuzentzen du. Halaber, Coimbrako Unibertsitateak, Erromako La Sapienza Unibertsitateak, Bordeleko Unibertsitateak, Erromako Museo Nazionalak eta Portugalgo Idanha-a-Velha udalerriak parte hartu dute. Birsortutako agertokietako bat Eslabako Santa Criz hiri erromatarra da. Haren nekropolian, jokalariak hainbat misio egin beharko ditu hilerriko aparatu epigrafikoarekin lotuta.
Bideo-jokoa, bereziki, Bigarren Hezkuntzako eta Batxilergoko ikasleentzat da. Ekainetik aurrera zabalduko da PCan jolasteko, eta doan erabiltzen ahalko da Nafarroako Unibertsitateko Filosofia eta Letren Fakultatearen webgunetik.
Klik egin Diario de Navarra-k 2022/02/12an argitaratutako albistea irakurtzeko.
Sarrera hau egin daiteke: Espainiera