Erriberako Recicleta elkarteak ekimen bat sortuko du birziklatutako bizikleten banku bat abian jartzeko. Zerbitzu hori eskura izanen dute Erriberako ikastetxeek. Ekimen hau sartuta dago Nafarroako Gobernuarekin apirilaren 6an sinatu zuen lankidetza-hitzarmenean. Helburua, hauxe: bizikleta lehentasunezko garraioa izanen den eskualdean mugikortasun seguru eta jasangarria sustatu eta handitzea.
Proiektu hau egiteko bizikletak birziklatzeko lantegi bat izanen da eta, hartan, erabiltzen ez diren bizikletak ibiltzeko moduan jarriko dira, gero dohaintzan emateko.
Zerbitzu honetaz baliatzeko, Recicletako bazkide egin behar da eta urtean 10 euro kostatzen da.
Hemen irakur dezakezu Nafarroako Gobernuaren webgunean argitaratutako berria, hemen Diario de Navarra-koa, etahemen Diario de Noticias-ekoa.
Sarrera hau ere eskuragarri dago hemen: Espainiera