Eskola kontseilua “Hezkuntza inklusiborako gogoeta jardunaldiak” izeneko jardunaldiak antolatzen ari da maiatzerako, Hezkuntza Departamentuarekin batera.
Jardunaldien lehenengo egunean gai hau landuko da: “EREDU INKLUSIBOA: hezkuntzako proposamenak eta erronkak”, eta, Nafarroako Hezkuntza Bereziko ikastetxeek, besteak beste, hitzaldi batzuk emanen dituzte. Bigarren eguna familiei eta hezkuntza inklusiboari buruzkoa izanen da, eta hirugarrena, berriz, erabateko inklusioari buruzkoa. Denbora horretan, Manuel Martín Nafarroako Eskola Kontseiluko buruak jardunaldi horietarako lan plana antolatu du, eta, beste jarduera batzuen artean, otsailean Hezkuntza Bereziko ikastetxe batzuk bisitatu ditu: Torre Monreal HBZ (Tutera), Isterria (Ibero), El Molino eta Andrés Muñoz Garde HBZ (Iruña). Halaber, bilerak izan ditu ikastetxe horietako guraso elkarteekin.
Topaketa horiei esker, ikastetxeen benetako egoera aztertu ahal izan da: ikasle gazteen eta helduen hezkuntzaren banakako programaren prozesuko trantsizioaren eta zerbitzu aurreratuen planifikazioa; emozio eta portaera arazoen maneiua, familiekiko harremanak, ikastetxeen artekoak, Lehen Hezkuntzako eta Bigarren Hezkuntzako beste ikastetxe arrunt batzuekikoak, ikastetxe bakoitzaren hezkuntza proiektuak, irakasle eta ikastetxeentzako baliabideak (langile gaituak prestatzea, jardunbide egokiak: SAREAK, departamentuen arteko harremanak…) eta familientzako baliabideak (hezkuntza proiektuan parte hartzea eta hori ezagutzea).
Sarrera hau ere eskuragarri dago hemen: Espainiera