Nafarroako Eskola Kontseiluaren jardunaldien XX. edizioa Nafarroako ikastetxeen Berrikuntza proiektuen ingurukoak izan da. Jardunalidak urriaren 23an eta 24an Tuteran burutu ziren eta azaroaren 7, 8 eta 9an Iruñean.
Javier Armentia Fructuosoren, Iruñeko Planetarioaren Zuzendaria, irekiera-hitzaldiarekin jardunaldiei hasiera eman zitzaien. Zientziak pertsonen bizimoduaren hobekuntzan duen eraginaz eta hobekuntza hauen irakurketa kritikoaren beharraz aritu zen.
Azaroaren 7an eta 9an egindako saioak gaztelaniaz izan ziren eta 8koa euskaraz, aldibereko itzulpenarekin. Tuteran zein Iruñean burututako hitzaldi guztietan aldibereko itzulpena egin zen zeinu hizkuntzara, baita azpitituluetara ere.
Nafarroako Eskola Kontseiluak bere IDEA aldizkariaren hurrengo zenbakia prestatzen ari da, jada. Bertan, ikastetxe hauen eta Nafarroako beste zenbait ikastetxeen ekarpenak agertuko dira, berrikuntza proiektuen gaien gainekoak. Ondoren, ohikoa den bezala, Kontseiluaren argitalpenen hurrengo alea paperean editatuko da.
Topaketa hau burutzen lagundu diguten pertsona guztiei eskerrak eman nahi dizkiegu, hizlarien ezinbesteko lana ahaztu gabe: Hezkuntza Departamentuko Zuzendaritza Orokorra, IPko aholkulariak, CERMIN, Eunate, zeinu hizkuntzaren itzultzaileak, Iruñeko eta Corellako Arte Eskoletako ikasleak, Tuterako UNED eta Iruñeko Nafarroako Museoa.
Sarrera hau ere eskuragarri dago hemen: Espainiera