Nafarroako Eskola Kontseiluak “Landa eremuko eskola Nafarroan” bere azken monografiaren aurkezpena egin zuen urriaren 18an Ezpeleta Jauregian.
Argitalpen berri honek Landa eremuko eskolari buruzko Nafarroako Eskola Kontseiluko XIX. Jardunaldietan egindako ekarpenak jasotzen ditu. Apirilaren 7an eta 8an izan ziren Iruñean.
Hezkuntza komunitatetik eta komunitatera hausnarketak ekartzea bilatu zuten Jardunaldiek. Helburu nagusien artean landa eremuko eskola definitzea, beste lurraldeetako landa eremuko ereduak ezagutzea, hezkuntza komunitatea eta inguruaren arteko harremana aztertzea edota Nafarroako landa eremuko eskoletan egiten diren esperientzia esanguratsuak partekatzea zen.
Liburuaren lehenengo atalean, Landa eremuko eskolen definizioa eta errealitatea garatzea gertu diren erkidegoetan gai nagusi zuten sarrerako hitzaldiak biltzen dira. Hizlariak izan ziren Ana Isabel Ayala, Aragoiko Hezkuntza Departamentuko Berrikuntza, Ekitate eta Parte Hartzeko Zerbitzu burua; Roser Boix Tomàs, Universitat de Barcelonan Hezkuntza Fakultateko Dekanoa; eta Mikel Goñi, Euskadiko Eskola Txikien Koordinatzailea.
Bigarren atalean, Nafarroako landa eremuko eskolen praktika esanguratsuak azaltzen dira. Hala nola, Arronizko “Cat Supermarket”; Etxalarko “Komunitate inklusiboa”; Luzaide-Arnegiko “Nazioarteko lankidetza”; Sakanako “Eskolen abiapuntu berritzailea”; eta Uxueko “Cantónimo”.
Azken atalean, aditu eta eragile ezberdinekin elkarlanean egindako landa eremuko eskolaren egoeraren ebaluazio zehatza eta aurrera begira proposamenak osatzen duen txostena jasotzen da.
Monografiaren paperezko argitalpenaren ale bana helarazi da Nafarroako Lehen eta Bigarren Hezkuntzako Ikastetxeetara, Hezkuntza Departamentura, Nafarroako Parlamentuko Hezkuntza Batzordera eta Tokiko Eskola Kontseiluetara. Ekarpenak egin zituzten pertsonei ere ale bana helarazi zaie.
Kontseiluaren web gunean formatu digitalean irakur dezakezu, gaztelaniaz zein euskaraz.
Sarrera hau egin daiteke: Espainiera