Udako Euskal Unibertsitateak “Hazi, eraiki, hezi (II)” ikastaroa egingo du. Haurrak, hezkuntza eta espazio eraikien artean sortutako dinamikei buruzko hausnarrerako espazioa proposatzen da. Gaiak interes asko eta anitzak pizten ditu. Pasa den urtean begirada nagusia arkitekturatik etorri zen, zenbait arkitektok haurrekin garatzen dituzten ekimenen (parte-hartze prozesuak, hezkuntza espaziala…) berri eman zutelarik. Oraingoan, hori osatzera datoz hezkuntza eragileei espazio nagusia eskainita, pedagogiatik gai honen inguruan Euskal Herrian lantzen ari diren zenbait ekimenen berri izateko. Gainera, pedagogia eta arkitekturaren arteko hausnarketa egiteko aukera izango da.
Hizlarien artean, Nafarroako Eskola Kontseiluko lehendakaria den Aitor Etxarte Berezibar egongo da.
Egin klik hemen ikastaroaren informazioa guztia irakurtzeko.
Sarrera hau ere eskuragarri dago hemen: Espainiera