Nafarroako Eskola Kontseiluko Lehendakaria den Aitor Etxarte Berezibarek “Haurrak eta espazioak” izenburu zuen hitzaldi bat eman zuen atzo. Honekin, maiatzaren 16a eta 22a bitartean ikusgarri dagoen “Gure patioa eraikitzen” erakusketari hasiera eman zitzaion, Zizur Nagusiko Kultur Etxeko patioan eta Erreniega I.P.ko Hezkuntza Komunitateak antolatutakoa. Erakusketan iazko ikasturtean Eskola Komunitatearen eskutik bildutako ekarpen eta proposamen ezberdinak izango dira ikusgai. Herritarrek proiektua ezagutu dezaten du helburu, sortuko den espazio berria herritar guztien gozamenerako izango baita.
“Haurrentzako espazio berezi bat eraikitzen dugun aldiro, hirirako eskubideari uko egiten ari diegu. Ludoteka edota haur parke bat eraikitzen dugunean, mezu bat bidaltzen ari diegu: hiria ez dela beraientzat, espazio berezi bat dutelako jada. Ideia, haurrek nola okupatzen dituzten espazioak eskolan eta hirian birpentsatzea da” esan zuen Etxartek.
Eskolak patioan duen arazo bati erantzuna emateko beharrean oinarrituta sortu zuen duela hilabete batzuk “Gure patioa eraikitzen” proiektua.Eskolako hezitzaile, haur eta familiek, arazo hau aukera bat bezala proposatu zuten, eskolan eta Zizur Nagusian haur eremu berri bat hornitzeaz gain Hezkuntza Proiektu Integratu baten parte bezala ikusten zutelako.
Hemen klik egin dezakezu 2016/05/17an, Diario de Noticiasen, argitaratutako berria irakurtzeko.
Sarrera hau egin daiteke: Espainiera