Unibertsitatekoa ez den programazio orokorrean gizarte sektoreen parte hartzea sustatzea da Nafarroako Eskola Kontseiluaren helburu nagusietako bat, gaur goizean aurkeztu duen 2015-2016 lan egitasmoaren arabera.
Beste helburuak ikerketa eta txostenen bitartez hezkuntza sistemaren kalitatearen ezagutza, ebaluazioa eta hobekuntza laguntzea; informazio, ikerketa eta esperientzien hedapena eta elkar trukaketa bultzatzea; gizartean Kontseiluaren presentzia instituzionala bultzatzea eta hezkuntza eremuko ikastetxe eta erakundeekin harremana erraztea; hezkuntza sistemaren kalitatea hobetzeko Estatu eta Autonomietako Eskola Kontseiluekin elkar lan egitea, Eskola Kontseiluari bere funtzioak era egokiaz garatzeko beharrezkoak diren baliabideak ematea, eta Nafarroaren bi hizkuntzak normalizatzea.
Hezkuntzako programazioan parte hartzea sustatzeko, Eskola Kontseiluak, Hezkuntza Departamentuko proiektuen gainean irizpenak ematea iragartzen du, irakaskuntza unibertsitatekoa ez den programazio orokorrarekin zerikusia duenean; bai erakunde honi kontsulta egitea derrigorrezkoa denean, baita beste kasuetan ere, eta eskakizuna Hezkuntza Departamentutik edo Nafarroako Parlamentutik iristen denean.
Beste alde batetik, Eskola Kontseiluak bere gizarteko presentzia instituzionala bultzatzea bilatzen du, hala nola, hezkuntza eremuko ikastetxe eta erakundeekin harremana erraztea. Horretarako, komunikabideetan presentzia aktiboa eta erregularra izatea bilatuko du, Kontseiluaren atari digitala editatzeaz gain, hemendik hedatuko baititu bere jarduerak, interes orokorreko hezkuntza errealitateak ikusgarri egingo ditu, erakunde ezberdinek antolatutako ekitaldietan bertaratuko da, beste erakundeekin dauden hitzarmenak eguneratuko ditu eta Kontseiluaren funtzioak garatzeko interesezkoak diren erakundeekin hitzarmenak finkatuko ditu ere.
Azkenik, lan egitasmoak, Nafarroakoak berezkoak diren bi hizkuntzen normalizazioari erreferentzia egiten du, bere jardueran ahal diren eremu guztietan. Horretarako, egingo diren eskaerak, bai instituzionalak eta baita pribatuak ere gaztelaniaz eta euskaraz erantzutea planteatzen du, hala nola Kontseiluaren komunikazioak eta ekoizpenak bi hizkuntzetan egitea.
Egin klik hemen Nafarroako Gobernuak igorritako prentsa oharra osotara irakurtzeko eta hemen Nafarroako Eskola Kontseiluaren lan egitasmoa irakurtzeko.
Sarrera hau egin daiteke: Espainiera