Buztintxuri ikastetxe publikoak “Gosaldu egunero” udal programaren zortzigarren edizioa ireki zuen. Proiektu honen bitartez, Iruñeko Udalak, gosari osasuntsu eta orekatua hartzeko ohituran haurrak heztea du xede.
Hiriko 14.724 ikasle baino gehiago pasa dira azkeneko zazpi ikasturtetan proiektu honetatik. Aurten, Lehen Hezkuntzako 4. mailako (9-10 urte) 2.136 haur parte hartuko dute, 42 ikastetxetakoak.
Aukeratutako data urriaren 16a izan zen, FAO-k (Elikadura eta Nekazaritza Erakundea) proposatutako Elikaduraren Mundu-egunean. Babes soziala izan zen aurten aukeratutako gaia, pobrezia murrizteko eta elikagaiei iristeko duen garrantzia azpimarratzeko.
“Gosaldu egunero” programa bai euskaraz eta bai gaztelaniaz eskaintzen da. Aurten, %78,7aren eskaera gaztelaniaz izan da eta bestea euskaraz. Parte hartzen duten ikastetxeen artean, 24 publikoak dira eta 18 itunduak. Euskaraz 454 ikaslek hartuko dute parte, 10 zentrotakoak.
Goiza, dietista-nutrizionista batek, ikastetxearen irakasleekin batera koordinatuta, egindako saio informatibo batekin hasi zen, eta bertan, gosariaren osagaiak aztertu ziren. “Zer gosaltzen du Leirek egunero?” dokumentalarekin jarraitu zen, programa honetarako sortutako hezkuntza materiala. Ondoren, ikasleak jantokira joan ziren gosaria dastatzera, Joseba Asiron, Iruñeko alkateak lagunduta. Gosaria, hiru taldeetako osagai bat dauka gutxienez: esnekiak, zerealak eta frutak. Eta hori da haurrek jantokiko mahaian aurkitzen dutena. Bertan, esne bero edo hotza ematen zaie, kakaorekin edo barik, ogi xigortua oliba-olio edo oliba-oliorik gabe eta zukutu berri den laranja zuku edalontzi bat. Mahai bakoitzean ere, sasoiko fruta zatitua dago. Ondoren, geletan, ikasleek bakoitzaren ohiko gosariaren ezaugarrien inguruko inkesta bat bete zuten, abiapuntua zein den ezagutzeko.
Inkesta hauek egin ziren lehenengo aldian, 2008-2009 ikasturtean, ikasleen %30ak bakarrik hartzen zuela gosari orekatu eta osatua egiaztatu zen, gainera, %4rak ez zuen gosaltzen eskolara joan aurretik. Urteekin, joera hau mantendu egin da, eta horregatik Udalak programaren jarraipenari lehentasuna eman dio, irakasleek egindako ebaluazio positiboa delako ere. Azkeneko ikasturteetako datuek islatzen dute oraindik ere egunero gosaltzen ez duen %4a badagoela, %25a, gutxi gorabehera bere gosaria prestatzen duela eta %30ak gosari osatu bat hartzen duela. Inkestak beste bi ohitura islatzen ditu; lehenengoa, ikasleen %80ak 15 minutu baino gutxiago ematen dituela gosaltzen, eta bigarrena, jolasaldian jateko hamaiketakoa gehiengoak eramaten duela (%97,3). Betiko ogitartekoa %80ek jaten dute.
Egin klik hemen Iruñeko udaleko web orrian agertutako berria irakurtzeko eta hemen Diario de Noticias-en 2015/10/21ean agertuta.
Sarrera hau egin daiteke: Espainiera