Gero eta gehiago dira atzerrira ikasturte bete bat edo hilabete batzuk ikastera ateratzen diren ikasle nafartarrak. Bigarren Hezkuntzako ikasleak izaten ohi dira (DBH eta Batxilergoa, 12-18 urte tartekoak) Frantzia, Ingalaterra, Irlanda, Estatu Batuak edo Kanadara joaten direnak… Ikastetxe publiko edo kontzertatu batean matrikulatzen dira eta familia edo barnetegi batean hartzen dute ostatu. Nafarroara bueltatzen direnean, ikasitako materiak baliozkotzen zaie eta dagokien ikasketak jarraitzen dituzte.
Ikasturte honetan 200 bat ikasle biziko dute esperientzia hau, gehienak (82) Frantziako hegoaldeko herrietara doaz, astelehenetik ostiralera bertan geratuko dira eta asteburuetan etxera buelta. DBH 3. mailako 61 ikaslek ere, Hezkuntza Departamentuak antolatutako Bordele eremuko zentroekin elkartrukaketa batean parte hartuko dute. Eta 50 bat ikasle erakunde pribatuekin Ingalaterra, Irlanda edo Estatu Batuetara bidaiatuko dute.
Atzerrian ikastea ez da merkea. Hala ere, familiek ordaintzen duten dirua nora doazen eta zenbat denbora egongo diren araberakoa da. Bidaiaren prezioa, Frantzian ikasturte batek balio duen 1.500 -3.500 euro, eta Irlandan ikasturte oso batek balio duen 15.000 euro artean dago (prezio hau 50.000 euro arte igo daiteke AEB-ko ikastetxe pribatu eta barnetegi baten kasuan). Elkartrukaketarena da eskaintza merkeena, bidaiako gastuak bakarrik ordaindu behar baitira. Atzerrian dagoen seme-alabaren ostatua eta mantenua doan da, beste familiako gaztea etxean ostatatzea da truke bakarra.
Hezkuntza Departamentuak eta l’Académie de Bordeaux-ek, joan den ikasturtetik dute hitzarmena. Krisialdiaren ondorioz, EAB eta Kanadako programa ofizialak ez dira jada burutzen.
Rotary Klubak (giza eta hezkuntza xedeak dituen elkarte internazioanal batek) 1927-tik (1979-tik Espainian) sustatu ditu Gazte Elkartrukaketa Programak, mundu osoko gazteak dohainik bidaia dezaten leku bakoitzeko familiekin elkar bizi daitezen.
Programa hauetan sartzeko giltza, nota onak eta ingeles edo frantses maila ona izatea dira. Kanpoan ikastea gehien eskatzen duten ikasleak DBH-ko 3. eta 4. mailakoak dira. Batxilergoan, selektibitatea “balazta” bat da irteera hauek egiteko.
Galdetutako arduradun guztiek ados daude ikasle guztiak asko hobetzen dutela hizkuntza eta “ia” elebidun bihurtzen direla.
Berri osoa irakurtzeko, egin klik hemen.
Diario de Navarra-n argitaratua, 2015/09/15-an
Sarrera hau egin daiteke: Espainiera